Amgylchedd morol arbennig
............................................

Mae Bae Ceredigion yn gartref i amrediad hynod gyfoethog o anifeiliaid a phlanhigion morol, y dolffin trwynbwl prin a chwareus yw un ohonynt. Ynghyd â'r cynefinoedd gwerthfawr y dibynnant arno, mae hyn yn gwneud y Bae yn amgylchedd morol arbennig a rhyngwladol bwysig

Mewn cydnabyddiaeth o'i bwysigrwydd, dewiswyd rhannau o'r Bae fel Ardaloedd Cadwraeth Arbennig - dynodiad Ewropeaidd a fydd yn sicrhau fod yr ardal a'r bywyd gwyllt yn cael ei ddiogelu er budd a mwynhad cenedlaethau'r dyfodol.

Mae'r wefan hon yn rhoi gwybodaeth ynglŷn â bywyd gwyllt a chynefinoedd Ardal Gadwraeth Arbennig Bae Ceredigion, sut y rheolir y safle, a sut y medrwch chwarae rhan arbennig yn ein cynorthwyo i'w ddiogelu ar gyfer y dyfodol.

Tarddiad Ardaloedd Cadwraeth Arbennig

Rhoddodd Uwchgynhadledd y Ddaear Rio 1992 bioamrywiaeth yn gadarn ar yr agenda wleidyddol y byd. Yn agosach i gartref, lluniodd y Cymunedau Ewropeaidd y Cyfarwyddyd Cynefinoedd Cyfarwyddyd Cynefinoedd (Cyfarwyddyd Cyngor 92/43/GE ar ddiogelu cynefinoedd naturiol a ffawna a fflora gwyllt). Prif fwriad y Cyfarwyddyd Cynefinoedd yw helpu i ddiogelu'r amrediad o gynefinoedd a rhywogaethau ar draws yr Undeb Ewropeaidd. Mae'n ceisio gwneud hyn drwy ddynodi Ardaloedd Cadwraeth Arbennig.

 

Cyllidwyd a chefnogwyd gan Ystâd y Goron

Hutanod y Tywod @ Janet Baxter