Er mwyn diwallu nodau'r Gyfarwyddeb Gynefinoedd, mae'r amcanion cadwraethol yn ceisio cynnal (neu adfer) "Statws Cadwraeth Ffafriol" y cynefin a'r rhywogaethau.
Amosetau (cyfnod larfaol y llysywen bendoll)
@Ross Gardiner, Gwasanaethau Ymchwil Pysgodfeydd
Mae'r broses
sy'n mynd rhagddi o fonitro'r cynefinoedd a'r rhywogaethau
yn rhan hanfodol o'r broses o asesu amod nodweddion yr Ardal
Gadwraeth Arbennig. Gofyniad y Gyfarwyddeb yw bod y DU yn
adrodd yn ôl wrth y Gymuned Ewropeaidd bob chwe mlynedd
am statws cadwraethol y cynefinoedd a'r nodweddion a glustnodir
yn y Gyfarwyddeb. Aseswyd a chyflwynwyd Statws Cadwraethol
Ffafriol Ardal Gadwraeth Arbennig Bae Ceredigion i'r Gymuned
Ewropeaidd ym mis Rhagfyr 2007. Aseswyd bod statws y dolffiniaid
trwynbwl, y morloi llwydion a'r ogofeydd môr yn ffafriol.
Aseswyd bod statws llysywod pendwll yr afon a'r môr yn anffafriol.
Bydd angen rhaglen ymchwil a monitro i roi mwy o wybodaeth
ac i wella'n dealltwriaeth o'r ffactorau sy'n effeithio
ar wasgariad a helaethrwydd y ddwy rywogaeth hon.
Sefydlwyd
rhaglenni ymchwil a monitro o fewn yr Ardal Gadwraeth Arbennig
i ddarparu gwybodaeth ar gyfer penderfyniadau rheoli a diweddaru'r
wybodaeth sydd ar gael ar hyn o bryd i wella'n dealltwriaeth
o amgylchfyd y môr ynghyd â'r rhywogaethau a'r cynefinoedd
y mae'n gefn iddynt. Hefyd, datblygodd Cyngor Cefn Gwlad
Cymru system ymgynghori a chymeradwyo i ymgymryd ag ymchwil
i sicrhau na fydd y gweithgareddau ymchwil a wneir yn y
Bae yn bygwth nodweddion y safle. Rhan o'r camau gweithredu
a glustnodir yn y Cynllun Rheoli newydd yw bod Cyngor Cefn
Gwlad Cymru yn datblygu'r rhaglen ymchwil bresennol i ymgorffori
prosiectau ymchwil eraill yn ogystal â hyrwyddo ymchwil
sydd a wnelo â'r Ardal Gadwraeth Arbennig ymhlith sefydliadau
a grwpiau ymchwil.
